Pasi u zyrtarizua si trajner te Roma, Zhoze Murinjo ka nisur të mendojë për skuadrën e sezonit të ardhshëm.
Në lojtarët që janë “piketuar” nga tekniku portugez, bie në sy se janë edhe dy futbollistë shqiptarë. Bëhet fjalë për Granit Xhakën dhe Milot Rashicën.
Rashica do të ndryshojë ekip këtë merkato dhe sipas asaj që raporton “La Gazzetta dello Sport”, lojtari është në listën e Romës. Këta të fundit ndjekin edhe Xhakën, i cili gjithashtu pritet të largohet nga Arsenali.
Në rast se transferimi i Rashicës dhe Xhakës do të realizohej, atëherë te Roma do bëheshin 3 shqiptarë, pasi kujtojmë se aty luan edhe mbrojtësi i Kombëtares, Marash Kumbulla.
