Menjëherë, pasi presidenti i Republikës, Bujar Nishani, thirri në zyrën e tij, shefin e Shërbimit Informativ Shtetëror, Visho Ajazi, kryeministri Edi Rama dhe kryeparlamentari Ilir Meta kanë rënë dakord të zhvillojnë një takim kokë më kokë.
Sipas raportimeve paraprake mësohet se takimi po mbahet tek Vila 31.
Zhvillimet e fundit politike si dhe vendimi mbi koalicionin PS-LSI, duket se do të jenë në fokus të diskutimit mes dy liderëve kryesorë të së majtës.
Ky takimi po zhvillohet pak orë para nisjes së procedurave për zgjedhjen e Presidentit të Republikës dhe 1 ditë pas miratimit në Kuvend të 3 emrave të mazhorancës për komisionin e vettingut.
Rama dhe Meta zhvillojnë takime të përjavshme, por e veçanta e kësaj të mërkure është se takimi nuk u zhvillua paradite, si zakonisht, por mbasdite.
