Kreu i Partisë Demokratike ka shprehur vlerësimet dhe optimizmin për protestën e sotme, ku u bllokua për 1 orë trafiku në 5 akse kryesore të vendit.
Gjithashtu, në këtë deklaratë nga “Çadra e Lirisë”, në ditën e 66-të të protestës, vërehet qartë se tonet e “revoltës” së kryedemokratit, pas takimit me ambasadorin amerikan Donald Lu, janë zbutur.
“Qindra mijëra të tjerë vranë frikën dhe me zemrat e tyre u bashkuan me ne.
E gjithë Shqipëria, të majtë e të djathtë u bashkuan me betejën e drejtë për zgjedhje të lira dhe të ndershme. Koha po vjen.
Ta kurorëzojmë këtë lëvizje me fitoren që gjithë shqiptarët presin. Nuk na mungon aspak vullneti dhe vendosmëria për ta zgjidhur krizën e thellë politike përmes një dialogu me kundërshtarët tanë politikë ”, u shpreh Basha.
