Gjatë orëve të para të ditës, banorët e Shijakut janë ngritur në protestë, për gjendjen e vështirë të rrugës që lidh qytetin e tyre me Durrësin. Në shenjë revolte, ata kanë bllokuar aksin Shijak-Durrës.
Banorët kanë bllokuar rrugën me kazanë plehrash, duke i vënë më pas flakën. Mjaft të lodhur nga situata aktuale, mësohet se protestuesit kundërshtojnë edhe çmimin e naftës.
Prej disa ditësh, në disa qytete të vendit janë organizuar protesta, kryesisht për kundërshtimin e çmimit të naftës.
