Këtë e ka bërë të ditur, Papa Françesku, përmes një deklarate, duke njoftuar se ka pranuar dorëheqjen e kardinalit Theodore McCarric.
McCarrick, 88 vjeç, një ish-kryepeshkop i Washingtonit, është pezulluar edhe nga detyrat publike në pritje të një gjyqi.Dorëheqja vjen pas raportimeve muajin e kaluar se zyrtarët e kishës amerikane kishin pranuar se McCarric kishte abuzuar seksualisht një adoleshent.
Kjo ngjarje kishe ndodhur rreth 50 vjet më parë. Që prej asaj kohe janë paraqitur edhe akuza të tjera, përcjell Telegrafi.
McCarrick u bë prift në 1958 dhe më pas punoi në Nju Jork para se të bëhej kryepeshkop i Uashingtonit në mes të viteve 2001 dhe 2006.Dorëheqja e këtij kardinali po ashtu vjen në kohën kur Vatikani po përballet edhe me një skandal tjetër seksual në Kili.
Mediat kanë raportuar se McCarrick është kardinali i parë që ka humbur titullin e tij nga Kisha Katolike. Peshkopët që kanë qenë të përfshirë në skandalet e abuzimeve seksuale, kanë njollosur reputacionin e Kishës Katolike në mbarë botën për dekada me radhë.
Pavarësisht se ka dalë zyrtarisht në pension, ai ka vazhduar të marrë pjesë në ngjarje jashtë vendit, duke përfshirë ato që fokusohen në çështjet e të drejtave të njeriut.
