Pedagogu Erion Kristo e ka përcjellë me ironi nismën e kryeministrit, për të kriminalizuar shpifjen. Në “360 Gradë” në “Ora News”, ia tha se qeveria ka hyrë tek fusha e edukimit, për të ndryshuar mentalitetin e shqiptarëve. E pas kësaj, do ndërmarrë një nismë edhe më me rëndësi, ajo e kruajtjes së hundës. Ai kërkon të dijë pse nuk ndërmeren nisma me rëndësi, si ajo e varfërisë.
“Qeveria ka hyrë tek fusha e edukimit, për të ndryshuar mentalitetin e shqiptarëve. Pas kësaj, do të bëjë ligj për kruajtjen e hundës. Do nxjerrë një ligj që kush kruan hundën…Cili është problemi i shqiptarëve sot?
Po ikin për shkak të shpifjes?! Pse nuk del ligji për varfërinë, për ripopullimin e disa shkollave, ndërkohë që ato mbyllen. Unë flas për kryeministrin që viziton njerëzit e varfër. Që u thotë nuk e dija që ishin kaq keq. Pse nuk bën një ligj për të mbështetur intelektualët, autorin. Shqetësimet e kryeministrit nuk janë shqetësime reale të vendit.
Ka plot njerëz që e mbështesin idenë e kryeministrit për shpifjen. Nisma e tij kthehet kundër institucioneve të pavarura. Kryeministrit i dridhet buza për kuksianët dhe brenda natës Prokuroria shkel ligjin dhe arreston brenda natës kuksianët.
Pra deklarimet e kryeministrit konkretizohen nga institucionet. Ka rreth 40 mijë dosje të pa shqyrtuara në gjykata. Të gjitha do të lihen, sepse tani ushtria e qeveritarëve, e njerëzve që i kanë duart në tavë, do t’u ndërsehen të gjithë njerëzve që i kanë fyer”.
