Shumë yje të Real Madridit gjatë periudhës së viteve 2010-2014 janë akuzuar për evazion fiskal, duke fshehur të ardhurat që vinin nga e drejta e imazhit. Pak ditë më parë ishte Ronaldo që pranoi dënimin, por e konvertoi në një gjobë prej 18 milionë eurosh, duke shmangur burgun.
Ditën e sotme autoritetet spanjolle kanë dënuar edhe Jose Mourinho-n me 12 muaj burg dhe pagesën e një gjobe prej 2.2 milionë eurosh për evazion fiskal. Portugezi nuk do të kalojë asnjë ditë në qeli, duke parë se dënimi i tij është nën dy vite.
BREAKING: Jose Mourinho accepts one-year prison sentence for tax fraud in Spain but will not serve time in jail. #SSN pic.twitter.com/GnkxdZapGT
— Sky Sports News (@SkySportsNews) February 5, 2019
Ish-trajneri i Manchester United nuk ka deklaruar të ardhurat e fituara nga shitja e të drejtave të imazhit gjatë kohës së kaluar në drejtim të Real Madrid. Ai ka arritur një marrëveshje me autoritetet spanjolle vitin e kaluar, e cila është ratifikuar ditën e sotme.
