Një barazim ndaj Frosinones ka tronditur seriozisht stolin e Gattusos te Milani. Kuqezinjtë janë duke kaluar një moment negativ që nuk përsëritej që nga 1984, katër ndeshje pa shënuar gol.
Tashmë trajneri italian është në ujëra të “tërbuara” dhe drejtuesit e skuadrës janë vënë në kërkim të emrave që mund ta zëvendësojnë ish-futbollistin e Milanit. Sipas “Calciomercato”, ndër emrat që janë të denjë për të marrë drejtimin e stolit përmenden Donadoni dhe Wenger.
Guidolini dhe Paulo Sosa janë gjithashtu kandidatë kryesorë dhe Milani po e shtjellon me kujdes çështjen e tyre. Pak më e vështirë është sjellja në stolin kuqezi e trajnerëve Capello dhe Marcelo Lipi.
Por, ajo çfarë po bën bujë është se në këtë listë përmendet edhe trajneri i Kombëtares Shqiptare të futbollit, Christian Panucci, që ishte përfolur më parë për një kalim te ekipi kryeqytetas i Romës.
