Pas mbarimit të seancës plenare, ku u rrëzua kërkesa e prokurorisë për arrestimin e Saimir Tahirit, Kryeministri Edi Rama lëshoi një lumë sharjesh ndaj gazetarëve në dalje të Kuvendit.
Qëndrimi që mbajti Rama para mediave ishte larg pozicionit të tij që e kushtëzon atë si kryeministër. Rama ka paraqitur një gjendje krejt të rëndë mendore duke mos iu përgjigjur pyetjeve të gazetarëve mbi vendimin e Kuvendit për mosarrestimin e ish-ministrit të Brendshëm Saimir Tahiri, por duke e shndërruar gjithçka në fyerje dhe denigrime ndaj gazetarëve.
Por edhe deputeti Saimir Tahiri duket se është vënë në siklet nga prania e mediave. Pas mbarimit të seancës, Tahiri ka shkuar drejt banesës së tij, ku jashtë ambienteve ndodheshin gazetarë. Balkan Web raporton se Tahiri iu ka thënë gazetarëve: “Pse rrini këtu akoma? Nuk kam asgjë për të folur”.
