Alban Meha më në fund është bërë me skuadër të re. Mesfushori nga Kosova, karrierën do ta vazhdoj në kampionatin e Jordanisë. Skuadra e re e Mehës do të jetë ekipi Al Faisay në elitën e futbollit jordanez. Lajmi është bërë publik nga mediat lokale të Jordanisë të cilat kanë shkruar se Meha ka nënshkruar dy ditë më parë. Së fundmi Meha ishte në klubin turk Konyaspor derisa ka gjashtë muaj që ka mbetur pa skuadër. Meha ka bërë karrierë edhe në Gjermani me Paderbornin.
Por me ekipin jordanez është bashkuar edhe një emër tjetër i njohur në futbollin shqiptarë, bëhet fjalë për zv/trajnerin e Kukësit, Ivan Gvzdenovic, i cili është emëruar trajner tek Al-Faisaly. 39-vjeçari që ka një eksperiencë të madhe si lojtar dhe zv/trajner në futbollin tonë, është zhvendosur në Jordani te skuadra e Al-Faisaly, ku do të punojë si trajner. Ky është një hap i madh për ish-mbrojtësin serb, që merr drejtimin e një skuadre në shëndet të plotë, pasi Al-Faisaly renditet në vendin e katërt të kampionatit me 19 pikë dhe 3 fitore në 3 ndeshjet e fundit.
