Në një ceremoni private, në një nga lokalet luksoze të kryeqytetit, Armina Mevlani kurorëzoi dashurinë e saj me Shkëlzenin, djalin e Berishës. Fejesa ku ishin të ftuar rreth 50 veta u përfol shumë në median rozë.
Në rrjetet sociale kanë qarkulluar fotografitë nga eventi special që është përgatitur për ta. Përpos luleve shumëngjyrëshe, të cilat sillnin një tjetër atmosferë, viheshin re edhe pirunjtë në ngjyrë floriri. Ky i fundit ishte një detaj që ngjalli shumë kërshëri.
Ky hap i paraprin atij më të rëndësishmit, ceremonisë së dasmës. Fustani i bardhë dhe gjithçka tjetër ka të bëjë me detajet e organizimit, dekorit, të ftuarve special dhe atmosferën që vetë çifti do të zgjedh për ditën e madhe.
Armina dhe Shkëlzeni do të kurorëzojnë dashurinë e tyre në martesë, vitin e ardhshëm! Por, nëse ka një element që merr vëmendje më shumë se çdo detaj tjetër në një dasmë, ai është fustani i nusërisë.
Ndërsa, për ceremoninë e fejesës, blogerja shqiptare kishte zgjedhur të vishte një fustan të D&G. Marka e famshme ia bëri enkas dhuratë për këtë ditë, të gjithë jemi kurioz se kush do ia stilojë atë të nusërisë.
E kontaktuar nga revista Class, Armina zbuloi se është në bisedime me shumë stilistë të huaj. Ata janë të famshëm, për të vendosur për fustanin që do të veshë në ditën e dasmës. Pra, zgjedhja e saj do të jetë një stilist i huaj. “Do të kem dy fustane në dasmë, një të thjeshtë dhe një madhështor”, thekson ajo.
Të shohim cila do të jetë zgjedhja e blogeres së njohur, por me siguri do të jetë diçka surprizuese!
