Eliminimi i Argjentinës nga Kupa e Botës me siguri që do të sjellë një formatim të kombëtares së Argjentinës. I pari që jep dorëheqjen nga kombëtarja pas humbjes me Francën është Javier Mascherano, i cili njoftoi menjëherë pas ndeshjes tërheqjen.
34-vjeçari ishte një ndër lojtarët më të rëndësishëm të trajnerit Sampaoli në “Rusi 2018”, pasi ka luajtur çdo ndeshje pa u zëvendësuar, por paraqitjet e tij ishin nën mesatare dhe duket se tashmë ai nuk synon që të fitojë ndonjë trofe me kombëtaren.
“Është koha për të thënë mirupafshim, është koha që të jap mbështetjen nga jashtë fushe. Shpresoj që në të ardhmen këta djem të fitojnë diçka”, kanë qenë fjalët e ish shkatërruesit të Barcelonës.
