Cristiano Ronaldo dhe Portugalia e tij u eliminuan nga Kupa e Botës të shtunën në mbrëmje nga Uruguai. Do golat e Cvanait e bënë të pavlefshëm golin e Pepe, që barazoi përkohësisht. Pas eliminimit Ronaldo ka folur për fundin e kësaj aventure ku vinin si kampionë Evrope dhe për të ardhmen e tij.
“Kemi luajtur më mirë se Uruguai dhe meritonim më shumë nga kjo sfidë. Në futboll fiton gjithmonë ai që shënon më shumë. Si kapiten i Kombëtares, jam krenar për këtë grup dhe për punën e bërë nga të gjithë, si lojtarët ashtu edhe stafi”, tha Ronaldo.
Pesë herë fituesi i Topit të Artë ka thënë se është i bindur që ka dhënë më të mirën nga vetja. “Largohem nga ky Botëror i bindur se kam dhënë më të mirën nga vetja edhe pse nuk shkuam aty ku të gjithë dëshironim. Por kjo Kombëtare do të vazhdojë të fitojë në të ardhmen”, tha Cristiano dhe më pas foli për të ardhmen e tij.
“Sa i përket të ardhmes nuk është momenti i duhur për të folur tani, si për mua ashtu edhe për trajnerin. Kombëtarja jonë mbetet njëra nga më të mirat në botë dhe do të vazhdojë të triumfojë edhe në të ardhmen”, përfundoi Ronaldo. Ylli i Real Madrid largohet nga Botërori i Rusisë me katër gola të shënuar në katër ndeshje.
