Pritshmëritë ishin mjaft të mëdha, por Interi ka dështuar në dy ndeshjet e para në kampionat duke grumbulluar vetëm një pikë. Spalletti nuk ka bërë asgjë më mirë nga “dështimi” De Boer, i cili nuk fitojë asnjë nga dy ndeshjet e para. Merkato tashmë është mbyllur dhe Interi nuk mund të afrojë lojtarë, por për aq kohë sa në Gjermani, Spanjë dhe Francë vazhdojnë transferimet zikaltërit po mendojnë të largojnë dy lojtarë.
Sipas asaj që bën të ditur “Tuttosport”, drejtuesit e Inter po kërkojnë të shesin me çdo kusht Joao Mario dhe Antonio Candreva. Të dy futbollistët kanë marrë oferta nga Ligue 1, La Liga dhe Bundesliga, por i takon atyre të vendosin. Nëse ata pranojnë, Inter do të ishte dakord edhe me huazimin, pa kërkuar parà menjëherë.
Interi këtë sezon merr pjesë në të gjitha garat dhe lodhja padyshim që do të jetë shumë më e madhe se vitin që lamë pas. Por duket se për Spallettin, Candreva dhe Joao Mario nuk bëjnë pjesë aspak në planet e tij dhe nuk janë në gjendje të ndihmojnë skuadrën.
