Anëtarët e grupimit politik Alternativa për Gjermaninë (AfD) kanë nisur një fushatë për të larguar Gjermaninë nga Bashkimi Europian përpara nisjes së zgjedhjeve të radhës. Anëtarët e partisë u takuan të dielën në Reisa dhe miratuan një nismë, sipas së cilës, nëse BE nuk bën ndryshime brenda një kuadri të përshtatshëm kohor, ata do të kërkojnë shkrirjen e Parlamentit Europian, kthimin e markës gjermane në përdorim krahas Euro-s dhe më pak pushtet për Gjykatën Evropiane të Drejtësisë.
Kreu i AfD Alexander Gauland tha: “Ne nuk kemi nevojë të shkrijmë BE-në, por t’a rikthejmë atë te përgjegjshmëria thelbësore”.
Me këtë strukturë që BE-ja ka aktualisht, AfD beson se do të shpërbëhet dhe do të bjerë për shkak të peshës së vet.
Gauland ka folur negativisht për “burokracinë” e BE-së dhe “rregullimin, centralizmin, rishpërndarjen dhe barazinë e saj”.
Ndërsa kandidati kryesor i AfD-së për landin e Bavarisë, Bernhard Zimniok ishte edhe më i qartë.
Zimniok beson se duhet të vendoset një afat i qartë për BE-në dhe, nëse gjërat në Bruksel do të mbeten të njëjta, Gjermania duhet të shkojë drejt Gexit në vitin 2024.
Partia nacionaliste AfD u themelua në vitin 2013 dhe fitoi 7.1 për qind të votave kombëtare në zgjedhjet europiane të 2014. Ata aktualisht mbajnë shtatë vende në Parlamentin Europian. Grupi filloi si një parti euroskeptike, por kur partitë e djathta kthyen vëmendjen ndaj kundërshtimit të Islamit dhe emigracionit, ata arritën për përfaqësoheshin në Parlamentin Gjerman.
Kërcënimi për Gexit është shfaqur në një kohë kur në anën tjetër do të ketë edhe një javë të rëndësishme në politikën britanike, me votimin “kuptimplotë” të Theresa May që ndodhi në “House of Commons” të martën.
Duke shkruar ekskluzivisht për Sunday Express, znj. May tha se marrëveshja e saj Brexit ishte e vetmja rrugë që shkon përpara. Ms. May paralajmëroi edhe qytetarët që duan që Britania të qëndrojnë në Europë, edhe ata që duan largimin, të cilët do të votojnë të martën, se do të ishte një fatkeqësi, nëse marrëveshja e saj nuk do të kalonte, që do të thotë, një thyerje “katastrofike” e besimit në procesin tonë politik. TIRANA TODAY
