Britania e Madhe dhe Kina deklaruan se do të forcojnë bashkëpunimin e tyre post-Brexit, dhe veçanërisht për të intensifikuar lidhjet mes Bursës së Londrës dhe Shanghait, me rastin e vizitës së ministrit britanik të Financave në Pekin.
“Planet post-Brexit të Britanisë së Madhe… shënojnë fillimin e një mundësie historike për një bashkëpunim pragmatik kino-britanik për zhvillimin ekonomik dhe tregtinë”, u shpreh kryeministri kinez, Ma Kai gjatë një konference shtypi në përfundim të bisedimeve me Philip Hammond dhe delegacionin e tij tregtar.
Britania e Madhe, që pritet të largohet nga Bashkimi Evropian në 2019, njoftoi largimin e saj nga tregu i përbashkët dhe unioni doganor i BE-së për të zgjidhur marrëveshjet e saj tregtare me vende jashtë BE, burimet e mëdha financiare të Kinës e bëjnë atë një aleat tërheqës, shkruan ata.
Philip Hammond njoftoi se dy palët përshpejtuan përgatitjet e fundit për të forcuar bashkëpunim mes Bursës së Londrës dhe Shanghait, dhe ranë gjithashtu dakort për të shqyrtuar mundësinë për të ndërlidhur tregjet e tyre të obligacioneve.
