Turqia ka dërguar qindra policë dhe forcat speciale të xhandarmërisë në veri të Sirisë, si pjesë e fazës së re të ofensivës kundër milicisë kurdë. Specialët turq shkojnë në Afrin pas bombardimeve të shumta nga ajri dhe toka me avion dhe tanke.
Kontingjenti i ri i Turqisë ka për qëllim krijimin e zonave të sigurta në kufirin e saj me Sirinë.
Forcat turke dhe aleatët e tyre rebelë kanë nisur një fushatë ajër-tokë të njohuri si Operacioni Dega e Ullirit në rajonin e Afrinit.
Sipas tyre ky operacion ka për qëllim pastrimin e kufirit nga Njësitet e Mbrojtjes së Popullit (YPG), të cilët konsiderohen nga Ankaraja si pjesë e zgjatur e Partisë së Punëtorëve të Kurdistanit (PKK) që është e listuar si organizatë terroriste nga Turqia, BE-ja dhe SHBA-të.
