Tifozët skocezë kanë mbërritur në Tiranë, në prag të ndeshjes Shqipëri-Skoci. Ata janë shfaqur mjaft paqësorë, me fustanellë (veshje tradicionale skoceze). Ajo që të bën përshtypje është një tifoz skocez në moshë, i cili veç fustanellës është shfaqur me bluzën e Kombëtares Shqiptare, ndërsa nuk ka ngurruar as të bëjë shqiponjën me duar.
Fotot janë publikuar nga Dritan Dango në Twitter. Ndeshja përballë Skocisë luhet nesër në orën 20:45, në stadiumin “Loro Boriçi”, në Shkodër.
Albania ?? vs Scotland ??????? ? ⚽️. #infopoint #Tiranatouristinformation #Tiranaattraction #soccermood #EnjoyTirana pic.twitter.com/NLT5uBA2na
— DritanDango (@DangoDritan) November 16, 2018
Madje, tifozët skocezë kanë përfituar nga ardhja në vendin tonë, për të bërë bamirësi. “Tartan Army Sunshine Appeal” kanë grumbulluar një fond prej 5 mijë paundësh. Nëpërmjet ambasadës britanike në Tiranë ata kanë kontaktuar një organizatë, e cila operon në Shqipëri dhe ndihmon fëmijët me sindromën “down”, me autizëm dhe nevoja të veçanta.
Shqipëria kërkon fitoren për të shmangur rënien nga Liga C në Nations League dhe për të planifikuar me qetësi kualifikueset e Euro 2020, ndërsa Skocia, që ka luajtur një ndeshje më pak, ka shpresa të mëdha kualifikimi në gjysmëfinale dhe i duhet paktën një pikë, për të luajtur në fund finalen e madhe në shtëpi kundër Izraelit./ TIRANA TODAY
