Greqia ka hedhur në treg bono thesari me afat 7-vjeçar maturimi. Kjo vjen për herë të parë që prej 2010-ës, për të përgatitur rikthimin e saj në tregje, të cilin Ministria greke e Financave e ka parashikuar për në muajin gusht.
Operacioni, parashikuar më herët, por pezulluar për shkak të turbulencave që kanë prekur bursat botërore në fillim të javës, është rreth tre miliardë euro, sipas një burimi të afërt me çështjen. Ky i fundit gjithashtu theksoi se ka pasur shumë interesa nga tregu për këtë operacion, ndërsa rezultatet e para do të njoftohen në orët e pasdites.
Ky operacion parashikon të pasurojë rezervën që vendi duhet të krijojë për të parandaluar çdo vështirësi kur do t’i duhet të vetëfinancohet sërish në tregje. Operacioni është drejtuar nga bankat Barclays, BNP Paribas, Citi, J.P. Morgan dhe Nomura, shkruan ata.
Një maturim shtatëvjeçar (2025) mundëson mbushjen e një boshllëku mes dy maturimeve ekzistuese të borxhit grek, 2023 dhe 2028.
