Ministri i Brendshëm teknik, Dritan Demiraj ka bërë bilancin e tij pas marrjes së këtij posti. 17 ditë pas emërimit si ministër, Demiraj shkruan në Facebook arritjet e bëra në këto ditë, ndërsa thekson se është i vendosur të bëjë dallimin.
Teksa numëron këto arritje, Demiraj shkruan gjithashtu se është i vendosur për të luftuar kundër kanabisit dhe përdorimit të parave të drogës në fushatën elektorale.
“Luftë pa kompromis kundër kanabisit dhe përdorimit të parave të drogës në fushatën elektorale. Ministria e Punëve të Brendshme dhe Policia e Shtetit është e angazhuar të zbatojë ligjin dhe misionin kushtetues. Të vendosur të bëjmë dallimin”, shkruan Demiraj në Facebook.
Periudha 22 maj-8 qershor 2017
– 4 ton e 438 kg kanabis i sekuestruar;
– 5295 bimë kanabis të shkatërruara;
– 80 doza heroinë;
– 30 të arrestuar, 12 në kërkim; 4 ndiqen;
– 7 gomone të sekuestruara;
– Monitorime nga ajri; qarku Vlorë, Berat, Gjirokastër, Fier, Lezhë e Shkodër.
