Komisioni i Disiplinës pranë FSHF-së ka zhvilluar mbledhjen e radhës dhe këtë herë duket se “viktima” ka qenë Partizani. Të kuqtë kanë zhvilluar një ndeshje të mirë përballë Flamurtarit në Kupën e Shqipërisë, ku fitorja nuk pati vlerën e kualifikimit. Por fill pas kësaj ngjarjeje Disiplina vendos tu presë “kokat” dy liderëve të mesfushës për sjellje josportive në fushë ndaj zyrtarëve të ndeshjes. Kapiteni Idriz Batha dhe mesfushori Lorenc Trashi do ti bashkohen në tribunë trajnerit Sulejman Starova , i cili vuan dënimin me 8 javë. Pa këta dy lojtarë Partizani do ta ketë mjaft të vështirë ndaj Kukësit, të hënën, në sfidën e javës së 20-të të Superiores.
Më poshtë mund të njiheni me vendimet e plota të këtij organi juridik e disiplinor të federatës:
1.Lojtari i KF “Partizani”, Lorenc Trashi, për prostesta me fjalë ofenduese ndaj vendimeve të zyrtarit të ndeshjes, pezullohet 2 ndeshje nga aktiviteti dhe gjobitet në masën 100.000 lekë.
2.Lojtari i KF “Partizani”, Idriz Batha, për prostesta me fjalë ofenduese ndaj vendimeve të zyrtarit të ndeshjes, pezullohet 2 ndeshje nga aktiviteti dhe gjobitet në masën 100.000 lekë.
3.Lojtari i KF “Laçi”, Sherif Kallaku, për sjellje josportive ndaj kundërshtarit, pezullohet 2 ndeshje nga aktiviteti.
4.Pranimin e kërkesës së lojtarit të KF “Korabi”, Emiljano Veliaj, dhe pezullimin e pjesës së mbetur të dënimit. Në bazë të Nenit 33/4 të KDS, lojtari Emiljano Veliaj vendoset në provë për një periudhë 6 mujore.
