Prej më shumë së një ore Parisi është në panik. Nga raportimet e BBC, mësohet se një person ka sulmuar një agjent policie me çekiç në afërsi të katedrales së Notre Dame.
Thuhet se polici ka marrë plagë të rënda dhe ka qëlluar mbi autorin duke e lënë të plagosur.
Ndërkohë, mësohet se e gjitha zona është evakuar për të evidentuar ndonjë rrezik të mundshëm.
Po ashtu, thuhet se rreth 900 njerëz janë bllokuar në katedrale. “Ata janë të qetë, ua shpjeguam situatën dhe po presim që të mund të dalim jashtë,” raportohet nga BBC.
Franca është në gjendje të jashtëzakonshme, që pas sulmeve terroriste në Londër. Kujtojmë se sulmet terroriste në Paris lanë 130 të vdekur në vitin 2015.
