Ortopedi Tonin Alia ka realizuar një ndërhyrje, pas së cilës një i moshuar mund të ecë normalisht. Prej 12 vitesh 85 vjeçari ka mbajtur në trup dy proteza të cilat jo vetëm që nuk e kanë ndihmuar, por thuajse e kanë paralizuar.
Prej vitit 2005 i është nënshtruar dy ndërhyrjeve kirurgjikale, që kanë qenë të mundimshme. Ndërhyrja e dytë në 2013 e ka përkeqësuar edhe më shumë situatën. Teksa dukej i fortë fizikisht, protezat që i kishin vendosur në këmbë kanë qenë përgjatë gjithë këtyre viteve jo funksionale duke i shkaktuar dhimbje dhe invalidizim.
Në këto kushte ai është paraqitur në Spitalin Amerikan, me shpresën se vitet që i ka falur zoti, mund ti jetojë në kushte normale. E në fakt nuk është asnjëherë vonë. Pas ndërhyrjes kirurgjikale të mjekut ortoped, Tonin Alia shpresa e 85 vjeçarit është kthyer në një realitet të ri për të.
“Bëhet fjalë për një pacient i cili në vitin 2005 ka pësuar një frakturë të gjurit dhe i vendosin një protezë, paraciale. Pacienti nuk kishte autonomi në ecje, në lëvizje, dhe në 2013 ribën një tjetër ndërhyrje në një tjetër spital. Mjekët i heqin protezën e parë dhe i vendosin një protezë të re. Në spitalin Amerikan ky pacient është paraqitur me karrocë. Nuk ka mundësi që të rrijë në këmbë , nuk ka mundësi të bëjë asnjë hap. Shenjat janë klasike, shohim që nuk është bërë ngjitja midis protezës dhe kockës, duke krijuar hapësira . Proteza lëviz brenda dhe nuk është në gjendje të mbajë as peshën më të vogël”, sqaron Mjeku Tonin Alia.
Ai pohon se rasti është i rëndë dhe i vështirë.
“Ne jemi munduar të pastrojmë gjithë kanalin e brendshëm pasi ka mbetur një sasi shumë e hollë kocke, kemi rivendosur një protezë që të kapë një pjesë të shëndoshë të kofshës”, thotë Mjeku Alia.
Dhe në fakt me këtë program 85 vjeçari është tashmë i rehabilituar. Askush nuk mund t’i kthejë 8 vitet e tij të humbura, por nuk është asnjëherë vonë për të përqafuar jetën normale. Spitali Amerikan e ofron këtë mundësi për këdo që i beson.
