Ambasadori i Palestinës në Rusi, Abdel Hafiz Nofal, tha se janë të shqetësuar nga zhvillimet që po ndodhin në Xhaminë Aksa, të cilat mund të kthehen në një luftë fetare që do të përfshinte gjithë Lindjen e Mesme.
Nofal vlerësoi ngjarjet që po përjetohen për shkak të kufizimeve të policisë Izraelite në Xhaminë Aksa dhe shtoi se këto njoftojnë shqetësime për fillimin e një lufte fetare.
“Zhvillimi më i frikshëm që mund të ndodh në këto momente është dalja e një lufte fetare. Nëse një luftë e tillë del, kjo do të përfshinte gjithë zonën nga Iraku në Magrib”, tha Nofal.
Ai sqaroi se autoritetet Arabe janë të vetëdijshme për rrezikun që mund të krijohet nga një zhvillim i mundshëm në këtë drejtim dhe theksoi se askush nuk do të kryejë lëvizje të cilat do t’i hapnin rrugë një lufte të tillë.
