Ministrja e Arsimit, Lindita Nikolla po mban një takim me mësuesit në “Pallatin e Kongreseve”, për të prezantuar arritjet e reformës në arsimin parauniversitar.
Tema e këtij takimi është “Reforma në sistemin parauniversitar, sfida në të ardhmen”.
Sigurisht, gjatë fjalës së saj, Nikolla tha se është bërë shumë për arsimin, ndërsa nuk ngurroi t’u përmendte mësuesve zgjedhjet e 18 qershorit.
Nikolla u bëri thirrje këtyre të fundit, që të ndihen të lirë për të votuar, për cilën forcë politike të kenë dëshirë.
“Nuk do të guxoja t’i jepja grushtin dërrmues diçkaje që ndërtuam bashkërisht për ta larguar politikën nga shkolla. Të dashur mësues ndjehuni të lirë të votoni si të doni. Nuk ka lidhje çfarë mendoni për punën e qeverisë në kuptimin politik të fjalës”, tha ndër të tjera ministrja e Arsimit.
Por, a e kishte me gjithë mend Nikolla këtë deklaratë? Fatkeqësisht, faktet dëshmojnë se shqiptarët ende duhet të votojnë partinë në pushtet, nëse duan ta mbajnë vendin e punës e të sigurojnë bukën e gojës.
Këtë e vërtetojnë edhe fotot e mëposhtme, të publikuara nga Luçiano Boçi, ku duken qartë mesazhet e dërguara nga zyrtarë të PS-së, për të siguruar një numër të madh të të pranishmëve në këtë takim.
Madje, mësuesve u kërkohet që të paraqiten 30 minuta përpara, në mënyrë që t’u bëhet apeli nga funksionarët partiakë.
Ndërkaq, në mbyllje të mesazhit, shkruhet: “Ndjesë për ndryshimin e orarit, por kjo nuk ka për të ndikuar në korrektësinë tuaj”, duke theksuar domosdoshmërinë e pranisë së mësuesve në mbledhje.
Është e frikshme se si mësuesve u bëhet presion, për mbushjen e sallave, nga forcat politike, teksa u privohet e drejta për të ZGJEDHUR, vetëm që ata të mbajnë një vend pune.
Demokraci ka, por këtu nuk funksionon!/ Tirana Today
[ngg_images source=”galleries” container_ids=”54″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
