Trajneri i Kombëtares shqiptare të futbollit, Cristian Panuçi kërkon tri pikët ndaj Maqedonisë dhe si kërcënim paraqet gatishmërinë e sulmuesit kuqezi Armando Sadiku.
Në konferencën e fundit për shtyp para ndeshjes në Strumica të ditës së nesërme, Panuçi thekson se për të arritur këtë objektiv ai do të përdoë një tjetër skemë loje nga ajo e Lihtenshtejnit. Ndërsa ka gjetur edhe instrumentin e duhur për të ndalur Goran Pandev.
“Në ndeshjen ndaj Maqedonisë do të futemi në fushë për fitore. Kemi respekt për kundërshtarin por në fushë do të zbresim për tre pikët. Maqedonia ka një ekip të fortë, por ne jemi përgatitur për maksimumin. Kundërshtari ka lojtarë cilësorë, mes tyre Pandev, për të cilin do të ketë një mbrojte fikse, pasi është një lojtar shumë i mirë” deklaroi ai.
