Në Antalya vazhdon stërvitja me intensitet të plotë e kombëtares Shqiptare, në kuadër të miqësores që sot ë zhvillojë të dielën në mbrëmje me Turqinë. Në seancën e sotme stërvitore tekniku italian, Christian Panucci kishte vendosur që lojtarët si fillim të punojnë me topin dhe më pas u provuan skemat që ishin përgatitur për të përballuar Turqinë. Në fund është zhvilluar një ndeshje kontrolli ku skuadra u nda në dy grupe, Berisha dhe Hoxha qëndruan në portat respektove pasi Strakosha u largua drejt Italisë për të rikuperuar dëmtimin e marrë në orët e fundit në fazën përgatitore.
Grupit të lojtarëve iu bashkua edhe Ylber Ramadani i cili është stërvitur i diferencuar, pasi një ditë më parë zhvilloi një ndeshje me 21-vjeçarët ku u aktivizua për 90’ minuta dhe gjeti golin e parë. Kombëtarja do ta zhvillojë seancën e fundit stërvitore në stadiumin e Antalyas, ndërsa në mesditë do të flasin në konferencën e shtypit Aliji dhe Veseli. Në orën 17:30, përpara kamerave do të dalin trajneri Christian Panucci dhe kapiteni i skuadrës.
