Trajneri i Kombëtares Shqiptare, Christian Panucci ka dalë në një konferencë për shtyp, ku ka analizuar ndeshjet me Lihtenshtejnin dhe Maqedoninë.
Panucci u shpreh se tashmë e njeh më mirë skuadrën shqiptare, ndërsa tha se në ndeshjen me Maqedoninë, lojtarët u lodhën në 25 minutat e fundit. Kjo ishte sipas Panuccit edhe arsyeja përse barazuam me Maqedoninë.
Trajneri i kuqezinjve u shpreh se ka një listë të disa lojtarëve, të cilët do i shohë në mënyrë që të shtojë kualitetin në fushë dhe të kërkojë fitore në ndeshjet e ardhshme.
Analiza me Lihtenshtejnin dhe Maqedoninë
Tashmë i njoh shumë mirë lojtarët e mi. Për sa i përket të dy ndeshjeve nuk mund t’ju them që jam i kënaqur sepse Lihtenshtejni nuk ka goditur asnjëherë në portë, në 30 minutat e para kemi luajtur shumë lehtë por duke patur një ide për atë çka duhej t6ë bënim në fushë.
Por nuk arritëm të merrnim avantazhin në pjesën e parë. Në pjesën e dytë ndryshoi gjithçka dhe arritëm të shkonim te avantazhi. Kishim lojtari si Ajeti, Memushaj dhe Roshi që nuk po arrinin formën më të mirë të tyren.
Memushajn u detyrova ta largoj. Megjithatë, arritëm të respektonim objektivat.
Më pas erdhi Maqedonia, në radhë të parë më duhet t’ju them që s’më pëlqen të kërkoj falje nëse fitoj apo humb. Është e drejtë për të bërë një analizë për këto dy ndeshje.
Kishim 4 përpara, pasi nëse do kumbisnim topin mund ta pësonim. Edhe pse në pjesën e parë nuk luajtëm mirë, mund të them që nuk vuajtëm. Patëm rastin e Hysajt me 4 lojtarë me 1.
Menjëherë erdhi reaksioni i skuadrës dhe gjetëm golin. Tani që e njoh skuadrën edhe më mirë, jam i sigurt se sa më shumë kualitet të ketë në fushë, aq më mirë është.
Por ndodhi ajo që në fund mund të rrezikonim dhe të humbnim ndeshjen sepse skuadra ra fizikisht 25 minutat e fundit dhe këtë moment e shfrytëzoi Maqedonia.
Natyrisht mund të bënim diçka më shumë nëse do të luanim nëse lojtarët do të ishin pas disa muajsh në kushtet e tyre më të mira.
Jam i frikësuar dhe i sëmurë nga puna ime dhe pas ndeshjes kam arritur ta shikoj disa herë takimin dhe kam menduar çfarë do kisha bërë më mirë.
Por kam respekt për kuadrin, punën time, presidentin duke menduar 24 orë për punën time.
Skuadrat më të mira sipas Panuccit
Janë dy skuadra që luajnë dhe janë më të organizuara që janë Gjermania dhe Spanja, të tjerat guxojnë të hedhin sa më shumë kualitete në fushë sepse nuk kemi kohë për t punuar me lojtarët.
Unë dua të luaj futboll në fushë, është më mirë të luajmë me tre në mesfushë, se me 2.
Në vijim kam nevojë për të kërkuar dhe për të gjetur më shumë mesfushorë dhe sulmues, për të hedhur më shumë kualitet në fushë. Do të udhëtoj, kemi një listë me lojtarë të mirë, edhe pse nuk kam luksin e kohës.
Çfarë vlerëson te ekipi i kuqzinjve?
Forca e grupit- është grup i shkëlqyer që punon me seriozitet. I japim më shumë imazh Shqipërisë kur fiton, pasi kur Shqipëria fiton, jemi të gjithë të lumtur.
Dua që lojtarët e mi të ndihen mirë në ekip, por duhet të kenë respekt ndaj orarit, rregullave dhe vendimeve.
Nuk dua që ndonjë nga lojtarët të ndihet më i mirë ose më i keq dhe të ketë dallime në grup. Ekipi kombëtar nuk është një vend pune ku kërkohet leja dhe mund të vish një ditë më vonë.
Çfarë do ndryshojë në të ardhmen?
Nuk ndryshon asgjë, vazhdon puna sipas programit për të bërë më të mirën të mundshme. Pak më vonë do të nisem drejt Shkodrës.
Parashikimet për ndeshjet me Spanjën dhe Italinë
Kundër Spanjës e dimë që kemi një ndeshje të vështirë, por pamë edhe Francë-Luksemburg. Do vije bast 10 euro vetëm për Luksemburgun? Kurrë! Kjo tregon që gjithçka mund të ndodhë.
Ne do të shkojmë në Spanjë për të bërë lojë sa më të mirë, natyrisht duhet të “vdesin” në fushë lojtarët edhe nëse kundërshtari do të jetë më i mirë, do i japim dorën dhe do kthehemi në Tiranë, por para se ta bëjmë këtë duhet të provojmë.
Italia nuk po kalon formë shumë të mirë, por mbetet Itali. Do bëjmë të pamundurën për të marrë rezultat./ TIRANA TODAY
