Një status në Facebook është bërë shkak që Christian Panucci të hedhë në gjyq ish-presidentin e Shqipërisë Bujar Nishanin. Padia është depozituar në gjykatën civile të Tiranës nga avokatët e Panuccit, ku trajneri kërkon dëmshpërblim prej 100 mijë eurosh për dëmin që sipas tij i është shkaktuar nga Nishani dhe përgënjeshtrim të deklaratës.
Fjala “sharlatan” e përdorur nga Nishani pas një humbje të Shqipërisë ndaj Kosovës, në miqësore, ka sjellë kështu edhe reagimin e trajnerit italian, që ka vënë në punë avokatët e tij, duke paditur ish-presidentin.
Gjykatën e Tiranës i ka dërguar një fletëthirrje ish-presidentit Bujar Nishani për t’u paraqitur në seancë, por Nishani është pa adresë. Report Tv ka zbardhur vendimin e Gjykatës ku thuhet se i padituri Bujar Nishani ka ndërruar adresë. Gjykata e Tiranës, i kërkon gjendjes civile në këtë shkresë që të gjejë adresën e ish-presidentit për t’i dërguar fletëthirrjen. Padia e Panuccit për Nishanin u bë publike më 5 shtator.
