Gjatë gjithë ditëve të protestës së studentëve ata kanë theksuar se protesta e tyre është e papolitizuar. Me mbylljen e seancës plenare, ata u zhvendosën para Kryeministrisë ku vazhdojnë të bëjnë rezistencë.
Të rinjtë kanë grisur pankartat me simbolet e partive politike. Ata kanë grisur pankartat e Partisë Demokratike, Lëvizjes Socialiste për Integrim, por nuk kanë kursyer as ato të Partisë Socialiste.
Kjo është dita e 9 e protestës së studentëve të cilët kanë sfiduar të ftohtin gjatë natës dhe e kanë gdhirë para ministrisë së Arsimit dhe Kryeministrisë.
