Vaksinat e para kundër Covid-19 do të aplikohen në Austri që nga muaji janar. Këtë e ka bërë të ditur ministri austriak i shëndetësisë.
“Teksa po flas me ju, gjërat duket se po shkojnë mjaft mirë”, shtoi ai duke ju referuar kohës për hartimin, certifikimin si dhe tregtimin e dozave të vaksinave.
Sipas të dhënave paraprake, Austria shpreson që në fillim të vitit 2021, të marrë 600 000 doza vaksinash dhe të imunizojë 300 000 persona. Ky shtet bëri të ditur pjesëmarrjen në një marrëveshje të Bashkimit Europian me grupin farmaceutik AstraZeneca në mënyrë që të sigurohet prokurimi i gjashtë milionë vaksinave.
Gjatë pandemisë, në Austri u prekën 27500 persona, dhe humbën jetën 734 prej tyre.
