Deri në 31 mars artëdashësit do të shijojnë ekspozitën COVID nga Endri Beqo në Galerinë e Artit Tiranë. Kjo ekspozitë e cila nuk duhet humbur, përmban 83 punime në karikaturë, por pjesë është dhe një film animacion i shkurtër për temën e COVID-19.
Endri Beqo tregon se në tematikat e trajtuara për COVID-19 ka vendosur humorin dhe ironinë.
“Në ekspozitë kam 83 punime në karikaturë, tematika tregon për COVID-19. Punimet janë realizuar në dy vite, që prej fillimit të pandemisë e deri tani. Kam treguar ndodhinë e COVID-19, duke parë skena dhe tragjedinë, pasi unë si karikaturist i kam vendosur tematikave humorin dhe ironinë, që dhe ne te qeshim, pse jo kam dashur ta tall COVID-in ashtu siç e meriton”, thotë artisti Beqo.
Tehu i humorit përqëndrohet në dy fenomene shoqërore dramatikë, që bota po kalon – pandemia dhe lufta pushtuese e Rusisë ndaj Ukrainës, si shkatërim të vlerave demokratike.
