Kancelari Sebastian Kurz njoftoi sot në një konferencë për shtyp se qeveria austriake ka vendosur bllokimin e lëvizjes nga ora 20:00 e mbrëmjes deri në 06:00 të mëngjesit.
Kafenetë, baret dhe restorantet do të qëndrojnë mbyllur, ndërkohë që shkollat e mesme dhe universitetet do të nisin mësimin online. Nga masat e reja nuk do të preken dyqanet, kopshtet dhe shkollat fillore.
Kurz tha se këto masa kufizuese do të zgjasin deri në fund të muajit nëntor.
