“Nëna e të gjitha bombave” është hedhur ditën e djeshme në provincën Achin të Afganistanit, duke vrarë 36 persona. Zhurmat e shpërthimeve ishin dëgjuar në 2 provinca ngjitur.
Bomba ishte e llojit jo-nukleare, ajo ka shkaktuar një tërmet të vërtetë, pasi e gjithë provinca është lëkundur. Zyrtarët amerikanë thanë se në shënjestër ishin ekstremistët e Shtetit Islamik. Bomba peshon 10 mijë kg. Bomba GBU-43/B MOAB është bomba më e madhe konvencionale amerikane.
Ajo është shpallur si arma më e fuqishme jo bërthamore e projektuar ndonjëherë. Nga ana tjetër, Rusia ka testuar një bombë termobarike me nofkën ‘ati i të gjitha bombave”, duke pretenduar se është katër herë më e fuqishme se bomba e “Moab-it”.
