Shpesh ndërhyrjet estetike nuk kanë rezultuar ashtu sikundër duhen. Në mjaft raste femrat shpërfytyrohen, ndonëse kërkojnë të modifikojnë diçka të vogël.
29-vjeçarja Rachael Knappier kishte vendosur që të rimodelonte buzët e saj. Ajo ka bërë injekson duke marrë rekomandim nga shoku i saj. Disa orë pas ndërhyrjes, Rachael ka shkuar në shtëpi dhe gjithçka dukej në rregull, por pasi u shtri, disa orë më vonë kishte patur shqetësime.
“Isha mirë. Shkova në shtrat, u zgjova në orën 2 të mëngjesit, dhe pashë se buzët e mia ishin 4 herë të fryra. Buzët e mia po preknin hundën time, ato u katërfishuan”. 29-vjeçarja ka treguar se kishte djegie tek buzët, dhe nuk i ndjente më. “Më digjnin shumë, dhe nuk mund ti ndjeja, ishte e pabesueshme”.
Në fillim kishte menduar se kishte thjesht alergji, por në fakt injektimi i kishte shkuar në arterie. Mjekët e klinikës ku ka kryer ndërhyrjen i kanë thënë se nuk u kishte ndodhur më parë një gjë e tillë. Por pas 72 orëve buzët e saj u normalizuan.
Rachael ka thënë se e gjitha kjo i ka shërbyer si një mësim i mirë, dhe tani ka nisur një fushatë sensibilizuese.
