Autoriteti Kombëtar i Ushqimit nuk ka të ndalur me bllokimin e ushqimeve të cilat u ofrohen konsumatorëve, jashtë çdo kushti higjenik. Një restorant dhe një piceri janë mbyllur, pasi kryenin veprimtari në kundërshtim me standardet e sigurisë ushqimore, si dhe në kushte të rënda higjeno-sanitare. Sipas AKU-së, në këto subjekte përdoreshin edhe produkte që u kishte kaluar data e skadencës.
Ndaj dy subjekteve janë marrë masë administrative gjobë (për kushte të rënda higjeno-sanitare dhe produkte të skaduara), si dhe bllokim të pjesshëm të aktivitetit.
“Autoriteti Kombëtar i Ushqimit, siguron se është në çdo kohë në aksion për identifikimin, kontrollin, evidentimin, dënimin dhe ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e sigurisë ushqimore.
Konkretisht, gjatë aksionit që AKU po ushtron në zonat bregdetare, trupa inspektuese DRAKU, Vlorë ka evidentuar 2 subjekte, me aktivitet “Restorant” dhe “Piceri” ku kryenin veprimtari në kundërshtim me standardet e sigurisë ushqimore, si dhe në kushte të rënda higjeno-sanitare.
Ndaj dy subjekteve janë marrë masë administrative gjobë (për kushte të rënda higjeno-sanitare dhe produkte të skaduara), si dhe bllokim të pjesshëm të aktivitetit”.
