Momente prekëse kanë përjetuar, gjatë ditës së shtunë, miqtë e të afërmit e futbollistit të njohur Emiljano Sala, që humbi jetën në janar, gjatë një aksidenti ajror.
Ishte qeni i futbollistit, i quajtur Nala, që nuk mundej të orientohej dhe që kërkonte të zotin, duke detyruar të pranishmit në ceremoninë mortore, të preken e përloten edhe më tepër.
Fotot e qenit të hutuar kanë bërë xhiron e botës. Në fillim ka qenë motra e Emiliano Sala që ka postuar një foto prekëse të qenit, Nala duke pritur të zotin në shtëpi.
Më pas në disa foto të tjera qeni shihet duke qëndruar për orë të tëra te dera e qendrës stërvitore, para se të zhvillohej funerali i futbollistit argjentinas.
Emiliano Sala e kishte adoptuar Nalan në vitin 2015 dhe që atëherë ata ishin shumë të lidhur me njëri – tjetrin. Nala të kujton Sully-in, qenin e George Bush, i cili qëndroi tek arkivoli i të zotit për disa orë me radhë. Pas vdekjes së Emiliano Sala, Nala do të qëndrojë me motrën e futbollistit.
Homazhet për futbollistin u kryen në qendrën stërvitore të San Martin, që ishte skuadra e parë në karrierën e tij. Shpenzimet për riatdhesimin e tij janë paguar nga presidenti i Kardifit.
TIRANA TODAY
