Ka shumë zëra se kemi shumë këngëtarë, sigurt që këngëtarët e mirë i përzgjedh tregu. Ndaj me idenë se ka shumë këngëtar nuk duhet që ti pritet hovi i këngëtarëve të rinj. Palma Pelaj është një vajzë e re me origjinë nga Peja, por që jeton dhe studion në Gjermani por që këndon shumë mirë.
Me një zë të ëmbël dhe stil plot sharmë, Palma është nga talentet më të reja që po pretendon të aderojë në estradën shqiptare. Ajo përveç studimeve që ndjek në Gjermani, pasion të madh ka këngën dhe muzikën, dhe kjo ka bërë që të jetë po ashtu pjesë e disa nga “talent show” atje.
Përndryshe, Palma para disa ditësh ka qëndruar në Kosovë, me ç’rast ka realizuar edhe këngën e saj të parë në gjuhën shqipe me titull “Hija jote”.
Me tekst nga Vera Pelaj dhe kompozim nga Fatos Canolli, kënga “Hija jote”, që në ditët e para të publikimit në kanalin Youtube, është pritur shumë mirë nga audienca.
