Pala greke do të bllokojë nesër punën në Kapshticë për 4 orë. Njoftimin e ka dhënë Drejtoria Vendore e Kufirit dhe Migracionit në Korçë, e cila sqaron se nesër nga ora 10:00 deri në orën 14:00, pala greke do ketë ndërprerje të punës si në hyrje dhe në dalje të kësaj pike.
Gjithashtu, mësohet se nuk do të lejohet lëvizja e automjeteve në këtë orar. Shkak, sipas Drejtorisë së Kufirit, është inaugurimi i autostradës së re që lidh këtë Pikë Kalimi me autostradën e Kosturit.
