“Pak Pakt”, vepra me autor dhe regjisor Ledian Gjeçin, është ngjitur në skenën e Teatrit Kombëtar Eksperimental “Kujtim Spahivogli”. Një vit më parë, vepra në fjalë u shpall fituese e Fondit të Krijimtarisë Letrare për të Rinj, nga Qendra Kombëtare e Librit dhe Leximit (QKLL)
Në këtë vepër teatrore shkruar dhe me regji nga Ledian Gjeçi, kemi në role aktorë të njohur, por dhe emra të rinj. Një ndërthurje brezash në këtë shfaqje, ku trajtohen problematikat e shoqërisë sonë.
“Pak pakt” e nisi rrugën e suksesit si fitues i Fondit të të Rinjve, shpallur nga Qendra Kombëtare e Librit dhe Leximit, për të vijuar në skenë, ku po meriton duartrokitjet e publikut. Një vepër e shkruar dhe me regji nga Ledian Gjeci, ju pret në skenën e Teatrit Kombëtar Eksperimental “Kujtim Spahivogli”!
Teatri Kombetar Eksperimental “Kujtim Spahivogli”, njofton ministrja Margariti.
Komedia e zezë “Pak Pakt” trajton dramën e ikjes së rinisë, e braktisjes së vendit për një jetë më të mirë. Në komedi flitet për dy djem shqiptarë të shkolluar mirë, por thellësisht të varfër e të mbytur në borxhe, të cilët i kap policia në flagrancë duke tentuar të ikin jashtë shtetit në mënyrë ilegale.
Shpresa e tyre e vetme për një jetë më të mirë shkatërrohet totalisht. Por, vjen dikush dhe iu ofron djemve një pakt me të cilin ata mund të dalin nga burgu, dhe mund të përfitojnë dokumente në çdo shtet evropian, vetëm nëse deklarojnë publikisht sikur janë homoseksualë.
