Futbollistët bëjnë një jetë mjaft luksoze për shkak të të ardhurave të larta. Por, duket se një prej lojtarëve ka zgjedhur të bëjë një jetë mjaft modeste, edhe pse paguhet plot 13 milionë euro në vit.
Bëhet fjalë për uruguanin Edinson Cavanin, i cili edhe pse i pasur, bën një jetë normale, si bashkëqytetarët e tij.
Këtë e ka dëshmuar gjatë një vizite në vendlindjen e tij në Salto, ku është parë duke përdorur transportin publik rrugës për në Montevideo, për t’iu bashkuar shokëve në ekipin kombëtar.
31-vjeçari është një nga rastet e rralla, ku ai së bashku me familjen e tij kanë zgjedhur të bëjnë një jetë të thjeshtë duke hequr dorë nga luksi pavarësisht të ardhurave të larta.
