Ministri i Punëve të Jashtme në Kosovë, Behgjet Pacolli, ka takuar sot ambasadorin e Sllovenisë, Bojan Bertoncelj.
Gjatë takimit, u ritheksua mbështetja e fuqishme sllovene për anëtarësimin e plotë të Kosovës në BE.
“Është koha e fundit që Kosova duhet ta marrë liberalizimin e vizave, pasi që shtetasit e saj janë të vetmit në rajonin e Ballkanit Perëndimor, që nuk po munden të lëvizin pa viza”, ka thënë Pacolli ndër të tjera.
Në fokus të takimit ishte edhe zgjerimi dhe thellimi i bashkëpunimit ekonomik mes dy vendeve respektive nëpërmjet organizimit të Forumeve Ekonomike në të dyja vendet.
