Mesut Ozil që pas fotos me presidentin e Turqisë, Erdogan nuk po gjen qetësi. Tashmë u bënë dy ndeshje që ai nuk zbret në fushë me Arsenalin dhe nuk është i pranishëm edhe në stolin rezervë. Trajneri Emery e sqaroi situatën e gjermanit, duke u shprehur se Ozil ishte i sëmurë dhe nuk mund të ndihmonte ekipin në 100%. Kjo ka qenë arsyeja që ai nuk ka luajtur dhe ky vendim është marrë nga të dyja palët. Por kritikat ndaj tij nuk kanë munguar, duke aluduar se ai ka pasur një përplasje verbale me trajnerin.
Ozil është emëruar si një prej kapitenëve të Emery, një vendim të cilin, presidenti i Bayern Munich, Uli Hoeness, një kritik i rregullt i ish-futbollistit të Real Madrid, e cilësoi si mrekulli. Ndërsa është shoku i tij i skuadrës, Monreal që e ka marrë në mbrojtje në një komunikim që ka pasur me mediat.
“Njerëzit kanë qenë disi të pandershëm me atë. Ai është një futbollist shumë i famshëm dhe natyrshëm që njerëzve u pëlqen të flasin për atë. Fatkeqësisht kohët e fundit vetëm për gjëra negative. Njëlloj si herën e fundit ai ishte sëmurë ndaj dhe nuk luajti me Arsenal. Njerëzit ndërkohë nisën të shpifin, gjoja sikur ai të kishte probleme me trajnerin. Nuk është e vërtetë. Ai ishte sëmurë. Prandaj nuk luajti”, deklaroi Monreal, në mbrojtje të Ozil, me gjermanin që po përjeton momentin më të zi në karrierën e tij, teksa pas problemeve me kombëtaren e Gjermanisë që çuan në largimin e tij, tashmë kritikat e kanë mbërthyer atë edhe te Arsenal.
“Njerëzit duhet të kuptojnë se çdo futbollist është i ndryshëm. Ai është në këtë mënyrë dhe njëlloj ka qenë edhe para 10 vitesh. Ndaj nuk mund të pretendosh që ai të nisë tani të debatojë e luftojë, të flasë me arbitrin, sepse ai nuk e ka bërë kurrë. Ozil nuk do të ndryshojë për këtë arsye. Gjëja e rëndësishme është që ai luan në nivelin e tij maksimal, jep shumë asiste, shënon shumë gola dhe ndihmon ekipin. Kjo është ajo që ai di të bëjë. Ai nuk di të shkojë dhe të kapë për fyti ndonjë futbollist”, deklaroi Monreal.
