OSBE ka publikuar raportin e vitit 2016, për Shqipërinë, ku thekson se vendi vuan nga korrupsioni, gjë e cila po reflektohet edhe në zhvillimin ekonomik.
Sipas raportit, përgjatë vitit të kaluar, kryefjala e diskutimeve ishte reforma në drejtësi, e cila përbën një nga shtyllat kryesore për të luftuar korrupsuonin, por që pritet nëse do të japë rezultate në terren.
“Prezenca ka mbështetur autoritetet shqiptare në nivel qendror dhe lokal në përpjekje për të luftuar korrupsionin, për të promovuar qeverisjen e mirë në të gjitha nivelet. Është i nevojshëm ndërtimi i kapaciteteve për të luftuar korrupsionin dhe për të promovuar sjelljen e duhur në biznes. Gjithashtu, kërkohet të rritet ndërgjegjësimi tek të rinjtë për çështje që kanë të bëjnë me korrupsionin, si dhe për t’i inkurajuar për t’u angazhuar më shumë në shoqërinë civile dhe në proceset konsultuese”, thuhet në raportin e OSBE-së për vitin 2016, shkruan Monitor.
