R9 nga Oppo është telefoni më i shitur Android për periudhën tre mujore të parë të këtij viti.
Kështu, Oppo ia ka kaluar Samsungut, duke arritur shitjen e 8.9 milionë njësive të R9.
Mbase nuk e njihni këtë markë, por R9 është në vendin e tretë të telefonave më të famshëm për këtë periudhë, vendin e dytë e zë iPhone 7 Plus, ndërsa stafetën e mban iPhone 7.
Teksa këto dy të fundit mund të gjenden në shumicën e vendeve të botës, nuk mund të themi të njëjtën gjë për Oppo R9, i cili nuk është kaq i përhapur.
Pas Oppo, renditet Galaxy J3 me 6.1 milionë shitje, ndërsa në vend të pestë ndodhet J5, duke përmbyllur listën Top 5, me 5 milionë njësi të shitura.
