Partia Demokratike ka akuzuar Safet Gjicin për përfitimin e 1.5 milionë dollarëve nga një tender për Universitetin e Durrësit.
Pas kësaj akuze, vjen reagimi i vetë biznesmenit, president i skuadrës së Kukësit Safet Gjici. Ky i fundit ka shpërthyer ashpër ndaj opozitës, të cilën e quan të shkërmoqur, ndërsa hedh poshtë akuzat dhe shprehet se PD duhet t’i vërtetojë, pasi në të kundërt, do shihen në gjyq.
“Tenderi për godinën e Universitetit, është realizuar në fillim të vitit 2013, kur në qeveri ishte Partia Demokratike! Madje, kompania që unë administroja dikur, nuk ka marrë ende as paratë e punës së bërë”, shprehet Gjici ndër të tjera.
Reagimi i plotë:
Megafoni i opozitës së dështuar dhe të shkërmoqur, foli sërish!
Nuk çuditem, por mëshiroj çdo kënd, i cili nuk informohet, apo nuk do ta bëjë një gjë të tillë.
E kam thënë e rithënë: Prej vitesh nuk administroj asnjë biznes, jo më të përfitoj tendera. Kjo është lehtësisht e verifikueshme!
Sot, u akuzova, se kam përfituar tenderin për Universitetin e Durrësit. Gënjeshtër fund e krye.
Tenderi për godinën e Universitetit, është realizuar në fillim të vitit 2013, kur në qeveri ishte Partia Demokratike! Madje, kompania që unë administroja dikur, nuk ka marë ende as paratë e punës së bërë.
U tha, se kam përfituar 30 milionë dollarë tendera!!!
Megafoni i djegur i PD-së, ti vërtetojë, pasi në të kundërt, do shihemi në gjyq!
Kam vetëm një përgjigje për opozitën e rrjepur e shkërmoqur: Ethet e humbjes u kanë nisur!
