Lideri i partisë më të madhe opozitare CHP u shpreh se në vitin 2019 do t’i japin fund pushtetit të Presidentit Erdogan dhe theksoi se për këtë është shumë e rëndësishme edhe mbështetja e Evropës.
Kryetari CHP Kemal Kiliçdaroglu i cili ka humbur të gjitha zgjedhjet përballë Presidentit Recep Tayyip Erdogan, premtoi në Gjermani rrëzimin e Erdoganit nga pushteti.
Kiliçdaroglu foli për revistën gjermane Focus dhe si gjithherë shpërndau shpresë në Evropë.
Lideri i CHP u shpreh se do të bënte gjithçka për të rrëzuar Erdoganin në vitin 2019 dhe shtoi se Evropa duhet të jetë e sigurt për këtë.
“Përfundimisht në 2019 do të shpëtojmë nga Erdogani. Do të bashkojmë të gjitha forcat që janë në krah të demokracisë dhe do të rrëzojmë Erdoganin nga pushteti. Për këtë patjetër të jeni të sigurt. Çdo lloj ndihme e Bashkimit Evropian në drejtim të forcimit të demokracisë tonë dhe zbatimit të standardeve Evropiane është shumë e rëndësishëm”, deklaroi Kiliçdaroglu.
