Në një konferencë për media Kreu i Prokurorisë së Krimeve të Rënda, Besim Hajdarmataj ka folur për operacionin “Shefi”, i cili u koordinuar mes autoriteteve shqiptare dhe italiane, ku u arrestuan 45 persona. Nga këto, 21 ishin shqiptarë, ku 19 janë ndalur dhe 2 janë të shpallur në kërkim. Sipas kryeprokurorit nga ky operacion janë sekuestruar : “2.5 ton kanabis në aksion, Urdhër- arrestet për 21 shqiptarë, 19 janë ndaluar dhe 2 janë shpallur në kërkim.
Më tej në deklaratën e tij ai u shpreh se: “ Kemi 21 shtetas shqiptarë, 19 të arrestuar dhe 2 të shpallur në kërkim, pjesë e grupeve të strukturuar kriminale në trafik narkotikësh mes dy vendeve. Arrestimi i disa prej tyre është bërë si rezultat i hetimeve të përbashkëta në Tiranë dhe Itali”-tha ai, duke theksuar se mes të arrestuarve janë Mariglen Shusha, Hamit Seferi dhe Malton Lleshi, ishin pjesë e një grupi kriminal mes dy vendeve për trafik droge dhe ndodheshin në vendin tonë.
“Nga puna e përbashkët, u identifikua vendndodhja, u bë arrestimi i tyre në operacionin e datës 14 mars. Kjo shënon finalizimin e një bashkëpunimi të suksesshëm mes autoriteteve tona duke dëshmuar vullnetin tonë në luftën kundër trafikut të narkotikëve. Hera e parë që në një operacion të tillë, duke qenë pjesë e skuadrës së përbashkët, asistojnë oficerë të DIA-s që treguan bashkëpunimin me oficerët e policisë së shtetit”- tha kreu i prokurorisë.
Ai theksoi më tej se janë vënë masa sigurimi për shqiptarët Ferhat Hajdini dhe Fiqeret Seferi, provat në ngarkim të të cilëve janë prodhuar nga hetim i përbashkët me Barin.
“Ndërkohë që Leçe u arrestua Dino Abazi i dyshuar si pjesë e organzatës kriminale në trafik narkotikësh. Na rezulton se po kryhen hetime paralele nga ne dhe homologët për një numër procedimesh për trafik të madh kanabisi”- tha ai.
