Çdo ditë e më shumë në treg vihet re se OnePlus 5 po krahasohet me Apple iPhone 7 Plus, si dhe Galaxy S8 të Samsung, në lidhje me shpejtësinë, dhe përpunimin e komandave. Kur sapo doli në treg, OnePlus 5 u mund nga iPhone 7 Plus, por me një diferencë shumë të ngushtë midis të tre pajisjeve premium.
Duke lënë pas telefonat e tjerë, si e përkufizon OnePlus 5 vetveten? Më konkretisht: sa ndikim ka 2GB RAM shtesë në performancën e dy niveleve? Jo shumë, me sa duket.
Timmers EM1 vuri përballë të dy nivelet e OnePlus 5 në një test shpejtësie krah për krah, duke përdorur të njëjtën listë të njëpasnjëshme të aplikacioneve.
Nuk kishte dallime të dukshme në kohën e ngarkimit për hapjen e aplikacioneve, ndërkohë që një ose dy lojëra tregonin një ndryshim të papërfillshëm në kohën e ngarkimit. Në të kundërt, të dy telefonat me RAM të ndryshëm ishin në gjendje të mbanin një sasi të mirë aplikacionesh të ruajtura në RAM.
