Khabib Nurmagomedov pasi mposhti Conor McGregor në kafaz dhe shkaktoi sherrin masiv mes dy skuadrave është kthyer në qendër të vëmendjes së mediave. Menjëherë pas atij dueli irlandezi i mposhtur i kërkoi revanshin rusit, por duket se kjo gjë nuk do të ndodhë. Khabib ka marrë një prej 15 miliardë dollarësh që të përballet sërish me McGregorin.
Gjyshi i boksierit rus, Alex Nurmagomedov, ka thënë se ata e kanë refuzuar atë ofertë të majme. “Ai (Khabib) nuk do të përballet për asnjë shumë të parave. Ne e dimë se kanë ofruar si fillim 15 milionë dollarë, por ne dëshirojmë të ecim tutje”, ka thënë fillimisht gjyshi i Khabibit.
“Khabib e ka refuzuar ofertën. Le të qëndroj në linjë Conor, le të ndeshet me boksierë të tjerë. Khabib dëshiron të përballet me Tony Ferguson dhe më pas të mbyllë karrierën”, tha ai.
Boksieri rus duket se tashmë kërkon dicka më të madhe dhe në horizont flitet se do të ketë një përballje me Floyd Mayweather. Të dy janë të pamposhtur në ring, pasi Khabib numëron 27 fitore dhe zero humbje, ndërsa Mayweather 50 fitore. Ka pasur replika mes tyre në rrjetet sociale, por akoma nuk ka një vendim zyrtar nëse ky duel do të realizohet apo jo.
